យោងតាមរបាយការណ៍ស្រាវជ្រាវរបស់ក្រុមអ្នកវិភាគជំនាញមកពី IDC បានឲ្យដឹងថា នៅឆ្នាំ ២០១៦ ខាងមុខនេះ ឧបករណ៍ដែលដំណើរការដោយ Windows របស់ Microsoft នឹងមានតិចជាង ទូរសព្ទ និងTablet ដែលដំណើរការដោយ Android របស់ Google។
ប្រិយមិត្តប្រហែលជាដឹងហើយថា Android កំពុងតែកាន់កាប់ទីផ្សារទូរសព្ទស្មាតហ្វូន និងកុំព្យូទ័រ tablet ប៉ុន្ដែការឡើងលើ Windows ដែលត្រូវបានប្រើស្ទើតែគ្រប់ PC នោះ គឺហាក់ដូចជាពិបាកនឹងជឿបន្តិច។ យ៉ាងណាក្ដី ក្រុមអ្នកវិភាគ បានអះអាងរួចទៅហើយថា ចំណែកទីផ្សារដែលកំពុងមានចំនួន ៣៥ភាគរយរបស់ Microsoft នឹងធ្លាក់មកសល់ត្រឹម ២៥,១ភាគរយប៉ុណ្ណោះ នៅឆ្នាំ ២០១៦។
ជាមួយនឹងនិន្នាការដាំក្បាលចុះនៃ Windows នេះ Android នឹងបន្តកើនឡើងពី ២៩,៤ភាគរយ រហូតដល់ ៣១,១ភាគយ ក្នុងរយៈពេលដូចគ្នា។
ដើម្បីទប់ទល់ជាមួយនឹងការធ្លាក់ចុះនៃ PC ក្រុមហ៊ុន Microsoft នឹងចេញនូវ OS ថ្មី ដែលអាចដំណើរការលើ tablet ពោលគឺ WIndows ៨ នៅចុងឆ្នាំនេះ។
ទោះបីជាបែបនេះក្ដី អ្នកវិភាគរបស់ IDC នៅតែអះអាងថា Windows មិនអាចតតាំងជាមួយនឹង Android បានយូរទៀតនោះទេ។
ក្រៅពី OS ទាំងពីរនេះ iOS របស់ Apple ឯណោះវិញ នឹងកើនឡើង ប៉ុន្ដែមិនអាចធៀបជាមួយនឹង Windows និង Android បាននោះទេ ពោលគឺកើនឡើងពី ១៤,៦ភាគរយនៅពេលនេះ ដល់ ១៧,៣ភាគរយនៅឆ្នាំ ២០១៦។
បើនិយាយពីចំនួនសរុបនៃ PC, Smartphone និង tablet ដែលលក់កាលពីឆ្នាំមុនវិញ គឺមានចំនួន ៩១៦លានគ្រឿង។ ចំនួននេះនឹងឡើងដល់ ១,៨៤ពាន់លានគ្រឿង ពោលគឺកើនឡើងដល់ទៅ២ដង។
ចំពោះប្រិយមិត្តវិញ យល់យ៉ាងណាដែរចំពោះការព្យាករណ៍នេះ? តើ Android ពិតជាអាចឡើងលើ Windows បានមែនឬក៏យ៉ាងណា?
 |
| Galaxy Note ត្រូវបានគេចាត់ទុកថាពាក់កណ្ដាលទូរសព្ទ ពាក់កណ្ដាល tablet។ វាជាឧបករណ៍មួយក្នុងចំណោមឧបករណ៍ជាច្រើនដែលកំណើរការដោយ Android ដែលលក់ដាច់ច្រើនបំផុត |
0 comments:
Post a Comment