Friday, April 6, 2012
0 ទិញ Internet TV តែមិនភ្ជាប់អ៊ីនធឺណិត
តាមសេចក្តី រាយការណ៍ពីគេហទំព័រ AP បានអោយដឹងថាតាមការស្រាវជ្រាវមួយរបស់អ្នកស្រាវជ្រាវអាមេរិច បានអោយដឹងថាមានអ្នកដែលទិញ Internet TV តែ ៤៧ភាគរយប៉ុណ្ណោះដែលទិញហើយយកទៅភ្ជាប់ Internet ចំណែក ៥៣ភាគរយទៀតមិនបានយកទៅភ្ជាប់ Internet នោះទេ ។ Internet TV បានចេញរួបរាង និងបានវាយលុកទីផ្សារទូរទស្សន៍ជាខ្លាំងកាលពីឆ្នាំ ២០១១ ជាពិសេសក្រុមហ៊ុន Sony តែម្តង ។
គួរបញ្ជាក់ថាទូរទស្សន៍អ៊ីនធឺណិតគឺជាប្រភេទទូរទស្សន៍មួយថ្មីដែល អាចតភ្ជាប់ ជាមួយ ប្រព័ន្ធអ៊ីនធឺណិត ដើម្បីដំណើរការដូចជាកុំព្យូទ័រ ឧបករណ៍ iPad និង Tablet ដទៃទៀតដែរ។ ជាមួយនឹងការភ្ជាប់ប្រព័ន្ធអ៊ីនធឺណិត អតិថិជនអាចចុចមើលកម្មវិធីនានា លេងហ្គេម online និងមើលវីដេអូតាមវិបសាយនានា។
យោងតាមការប៉ាន់ស្មាន និងស្រាវជ្រាវបានអោយដឹងថា ការប្រើប្រាស់ទូរទស្សន៍ Smart TVs នឹងមានភាពទូលំទូលាយក្នុងសាកលលោក ដោយទូរទស្សន៍ ៤៨០លានគ្រឿងនឹងត្រូវបានភ្ជាប់ដោយប្រព័ន្ធអ៊ីនធឺណិត រីឯ ១០០គ្រឿងផ្សេងទៀតនឹងភ្ជាប់ដោយគ្រឿងអេឡិចត្រូនិកផ្សេងៗដូចជា ឧបករណ៍លេងហ្គេម និងឧបករណ៍ចាក់ឌីសប្លូរេ និងឧបករណ៍ទំនើបផ្សេងៗទៀតនៅឆ្នាំ ២០១៦ ខាងមុខនេះ ។
យើងសង្កេតឃើញថាសំរាប់ទីផ្សារនៅស្រុកខ្មែរដូចជាមិនទាន់មានការ រីកចំរើនខាង Internet TV នៅឡើយ ហើយខ្ញុំសង្ឃឹមថានឹងមានក្រុមហ៊ុននាំចូលមកលក់នៅក្នុងស្រុកខ្មែរ ឆាប់ៗ ។
Labels:
ព័ត៏មានបច្ចេកវិទ្យា
Subscribe to:
Post Comments (Atom)
0 comments:
Post a Comment