យោងតាមរបាយការណ៍ហិរញ្ញវត្ថុដែលបញ្ចេញឲ្យដឹងដោយក្រុមហ៊ុន
បច្ចេកវិទ្យាធំៗនាពេលថ្មីៗនេះ អាចឲ្យយើងដឹងបានថា
មានក្រុមហ៊ុនបច្ចេកវិទ្យាធំៗមួយចំនួន
ដែលធ្លាប់តែជោគជ័យខ្លាំងក្លានាពេលកន្លងមក
ប្រែជាធ្លាក់ខ្លួនខាតបង់ធ្ងន់ធ្ងរនៅឆ្នាំនេះ។
ក្រុមហ៊ុនធំៗទាំងនោះ មានដូចជា Nokia, Sony, Research In Motion
(RIM) និង Sharp ជាដើម។ ដូចដែលប្រិយមិត្តបានដឹងហើយថា
ក្រុមហ៊ុនទាំងនេះ
សុទ្ធតែធ្លាប់ធ្វើជាអធិរាជនៅក្នុងទីផ្សារអស់រយៈពេលជាយូរ
ដោយសារផលិតផលល្បីៗរបស់ពួកគេ ដែលមានដូចជា ទូរសព្ទ BlackBerry របស់
RIM និង Walkman របស់ Sony ជាដើម។
យ៉ាងណាក្ដី ការកើនឡើងនៃដៃគូប្រជែងខ្លាំងៗ
បានធ្វើឲ្យក្រុមហ៊ុនទាំងនេះ ពិបាកក្នុងការរក្សាតំណែងរបស់ខ្លួន។
Nokia បានធ្លាក់ចុះ ដោយសារការបរាជ័យក្នុងការវាយលុកក្នុងទីផ្សារ
smartphone ដែលកំពុងកើនឡើងខ្លាំង ខណៈ Sharp បានខាតប្រាក់
ដោយសារគូប្រជែងខ្លាំង ដូចជា Samsung។
ខាងក្រោមនេះ គឺជាក្រុមហ៊ុនបច្ចេកវិទ្យាធំៗទាំង៦ ដែលខាតបង់ធ្ងន់ធ្ងរជាងគេ៖
១- RIM
នៅក្នុងត្រីមាសទីបួននៃឆ្នាំសារពើពន្ធ ២០១២ ក្រុមហ៊ុនផលិតទូរសព្ទ
BlackBerry នេះ បានខាតបង់ចំនួន ១២៥លានដុល្លារ។
ប្រាក់ចំណូលបានធ្លាក់ចុះ ២៤ភាគរយ បើធៀបនឹងឆ្នាំមុន។ យោងតាម
comScore បានបង្ហាញថា ចំណែកទីផ្សារ smartphone របស់ RIM
បានធ្លាក់ចុះពី ១៦ភាគរយកាលពីខែធ្នូឆ្នាំមុន
មកសល់ត្រឹម១២,៣ភាគរយត្រឹមខែមិនាឆ្នាំនេះ បើទោះបីជាទូរសព្ទ
Android ជារួម អាចកាន់កាប់ទីផ្សារបានដល់ទៅ ៥១ភាគរយក៏ដោយ។
២- Sharp
ក្រុមហ៊ុន Sharp
បានរាយការណ៍ពីការខាតបង់ដ៏អាក្រក់បំផុតប្រចាំប្រវត្តិសាស្រ្ដ
ក្រុមហ៊ុន ពោលគឺខាតដល់ទៅ ៤,៦៧ពាន់លានដុល្លារក្នុងរយៈពេលមួយឆ្នាំ។
ការខាតនេះ គឺដោយសារការធ្លាក់ចុះនៃការលក់ទូរទស្សន៍ LCD។
៣- Sony
កាលពីខែមេសា កន្លងទៅ Sony បានប្រកាសពីការខាតបង់ដ៏ច្រើន
ក្នុងរយៈពេលបួនត្រីមាសជាប់គ្នា ពោលគឺខាតដល់ទៅ
៦,៤ពាន់លានដុល្លារក្នុងមួយឆ្នាំសារពើពន្ធចុងក្រោយនេះ។ Wall
Street Journal បានបញ្ជាក់ថា
នេះជាការខាតដ៏អាក្រក់បំផុតប្រចាំប្រវត្តិសាស្រ្ដក្រុមហ៊ុនក្នុង
រយៈពេល ៦៥ឆ្នាំ។
៤- Nintendo
ក្នុងខែមេសា ឆ្នាំ២០១២ កន្លងទៅនេះ
ក្រុមហ៊ុនផលិតវីដេអូហ្គេមដ៏ធំមួយនេះបានប្រកាសពីការខាតបង់សរុប
៤៦១,២លានដុល្លារ ក្នុងឆ្នាំសារពើពន្ធ ២០១១។
៥- Nokia
ក្រោយពីធ្លាក់តំណែងជាក្រុមហ៊ុនផលិតទូរសព្ទធំជាងគេលើលោកដែល
កាន់កាប់អស់រយៈពេលជាងមួយទសវត្សទៅឲ្យគូប្រជែង Samsung
ក្រុមហ៊ុនរបស់ហ្វាំងឡង់មួយនេះ
ក៏ជួបនូវការខាតបង់ដ៏ល្វីងមុខនោះដែរ ដោយខាតដល់ទៅ
១,២ពាន់លានដុល្លារក្នុងមួយត្រីមាសចុងក្រោយ។
៦- Acer
ក្រុមហ៊ុនផលិតកុំព្យូទ័រ Acer បានរាយការណ៍ពីការខាតបង់ចំនួន
២១២លានដុល្លារក្នុងឆ្នាំ ២០១១ ដោយសារការលក់ធ្លាក់ចុះ។
មូលហេតុនៃការធ្លាក់ចុះនេះ ត្រូវបានគេមើលឃើញថា
ដោយសារការកើនឡើងប្រជាប្រិយភាពនៃ tablet និង smartphone។
ដកស្រង់ពី៖ សារិកា
0 comments:
Post a Comment