ក្រុមហ៊ុនបណ្ដាញសង្គម Facebook
បានចាប់ផ្ដើមសាកល្បងនូវប្រព័ន្ធគិតលុយពីអ្នកប្រើប្រាស់ហើយនា
ពេលនេះ
ខណៈដែលក្រុមហ៊ុនដែលទទួលបានប្រភពចំណូលពីការផ្សាយពាណិជ្ជកម្មនេះ
កាន់តែខិតជិតចូលផ្សារហ៊ុននោះ ។
ប្រព័ន្ធដែលគេហៅថា "Pay to promote" នេះ
ត្រូវបានដាក់ឲ្យសាកល្បងនៅប្រទេសញូវ ហ្ស៊ើលែនមុនគេ
ដែលអនុញ្ញាតិឲ្យអ្នកប្រើប្រាស់បង់លុយ ដើម្បីឲ្យ post របស់ខ្លួន
ត្រូវបាន Facebook បង្ហាញកាន់តែច្រើនទៅកាន់មិត្តភក្ដិ។
ការធ្វើបែបនេះ មិនមែនបានន័យថា Facebook លែងឥតគិតថ្លៃ
ដូចពាក្យស្លោករបស់ខ្លួនដែលថា "It's free and always will be" នោះទេ
ពោលគឺអ្នកមានជម្រើសក្នុងការសរសេរមិនគិតថ្លៃដូចសព្វមួយដង
និងការបង់លុយ ប្រសិនបើអ្នកចង់ធ្វើឲ្យ post
របស់អ្នកកាន់ត្រូវបានគេឃើញច្រើននោះ។
អ្នកប្រើប្រាស់នៅ ញូវហ្ស៊ើលែនម្នាក់ដែលសាកល្បងប្រព័ន្ធថ្មីនេះ
បានបញ្ជាក់ថា គាត់ត្រូវបានហ្វេសប៊ុកតម្រូវឲ្យបង់ប្រាក់ ២ដុល្លារ
ដើម្បីឲ្យ post របស់គាត់ ត្រូវបានហ្វេសប៊ុកហាយឡាយពណ៌លឿងខុសគេ។
អ្នកនាំពាក្យរបស់ Facebook គឺលោក Mia Garlick
បានបញ្ជាក់ឡើងវិញថា គំនិតថ្មីនេះ
គឺជាការបន្ថែមនូវទម្រង់ថ្មីមួយសម្រាប់សាកល្បងជាមុនសិន
(ប្រសិនបើជោគជ័យ ហ្វេសប៊ុកនឹងដំណើរការផ្លូវការ)។
នៅក្នុងអត្ថបទរបស់ Telegraph បានស្ទង់មតិចំពោះអ្នកអាន ឃើញថា
មានតែ២ភាគរយប៉ុណ្ណោះ ក្នុងចំណោមអ្នកអានជាង១០០០នាក់ ដែលឆ្លើយថា
ពួកគេនឹងបង់ប្រាក់ដើម្បីឲ្យ post របស់ពួកគេត្រូវបានគេឃើញច្រើន
ចុះចំណែកប្រិយមិត្តអ្នកអានខ្មែរសារិកាវិញ តើនឹងចំណាយលុយដើម្បី
post របស់ខ្លួនដែរឬទេ? ជួយបញ្ចេញជាមតិយោបល់នៅខាងក្រោមផងណា!
ដកស្រង់ពី៖ សារិកា
0 comments:
Post a Comment