​៧​ជំ​ហា​ន​​​ដើ​ម្បី​អា​ច​និ​យា​យ​គ្នាជា​ល​ក្ខណៈវី​ដេ​អូ​តា​ម​ហ្វេសប៊ុក

បច្ចេកវិទ្យាកាន់តែរីកចំរើនពីមួយទៅមួយថ្ងៃយ៉ាងណាមិញបច្ចេកវិទ្យាហ្វេសប៊ុកក៏រីកដុះដាលគួរឲ្យកត់សំគាល់ផងដែរ។ថ្មីៗនេះហ្វេសប៊ុកបានចេញ នូវបច្ចេកវិទ្យាថ្មីមួយ គឺការជជែកកំសាន្តជាលក្ខណៈវីដេអូ​ស្រដៀងនឹង Skype)​ដូច្នោះដែរ។​ប៉ុន្តែ​លោក​អ្នកចាំបាច់ត្រូវតែតំឡើងកម្មវិធី​ ដើម្បីអាចប្រើប្រាស់សេវាកម្មនេះបាន។ ​តើ​លោក​អ្នក​កំពុង​មាន​មន្ទិលស​ង្ស័យ​ពីរ​ការ​ចូល​កំសាន្ត​​បែប​វីដេ​អូនេះដែ​រឬទេ? ដើម្បី​​អាចដំណើរការសេវានេះបាន លោកអ្នកត្រូវអនុវត្តន៍តាមជំហានខាងក្រោម៖
 ជំហានដំបូងៈ អ្នកគ្រាន់តែចូលតាមអសយដ្ឋាននេះ​​ www.facebook.com/videocalling​ 

ជំហានទី២៖ លោកអ្នកគ្រាន់តែចុចលើពាក្យ Get Started នោះគេនឹងបញ្ជាក់ថា     “តើអ្នកនឹងចង់តេទៅនរណា?” ដោយបង្ហាញតារាងឈ្មោះ នៅខាងស្តាំដៃ

ជំហានទី៣៖ បន្ទាប់មកសូមអ្នកចុចលើឈ្មោះណាមួយដែលអ្នកចង់តេទៅ  (តែអ្នក នោះត្រូវតែ បានតំឡើងសេវានេះរួចរាល់ហើយ មានន័យថា បានប្រើសេវានេះមុនអ្នក)……. មិន ពិបាក ស្វែង រកទេ លោកអ្នកគ្រាន់តែសំលឹងទៅ បែកខាងឆ្វេង(ក្រោម)នោះប្រាកដជាឃើញពីមិត្តភក្តិណាខ្លះ ដែលបានប្រើសេវានេះ

ជំហានទី៤៖ សូមចុចលើប៊ូតុង Start a Video Call នោះ​គេនឹងបញ្ជាក់ឲ្យ​អ្នកតំឡើងកូនកម្មវិធី តូចមួយ​ FacebookVideoCallSetup_v1.2.199.0.exe

 ជំហានទី៥៖ បន្ទាប់ពីចុចលើប៊ូតុង Set Up ហើយ​នោះ​វា​នឹង​​ទាញ​យក​ FacebookVideoCallSetup_v1.2.199.0.exe

ជំហានទី៦៖ សូមចុចលើ File ដែលបានទាញយកមកនោះ រួច​តំឡើង​តាម​ធម្មតា​គឺវា​នឹង​ទាញ​យក​ទិន្នន័យ​ ឬ File សំខាន់ៗមួយចំនួនដែលចំនាយពេល តិចជាង ១នាទី (អាស្រ័យលើល្បឿន Internet របស់អ្នក)…………..

ជំហានទី៧៖ ក្រោយតំឡើងបានជោគជ័យនោះ វា​នឹង​ចាប់​ផ្តើម​តេ​ទៅ​កាន់​មនុស្ស​ដែល​អ្នក​បាន​ជ្រើស​រើស។

*** ប្រសិនបើគ្មានការឆ្លើយតបនោះទេ វានឹងឲ្យលោកអ្នកផ្ញើរសារជំនួសវិញ (វាប្រៀនដូចទៅនឹង តេទូរស័ព្ទមិនចូល រួចឲ្យផ្ញើរជាសារជា សំលេងវិញ)