សញ្ញានៃការធ្វើដំណើរកំសាន្តរបស់ Mark Zuckerberg នៅក្នុងទីក្រុង Shanghai
ប្រទេសចិនបានទាញនូវចំណាប់អារម្មណ៍របស់មនុស្សជាច្រើនដោយគេ
បានសន្មតថា Facebook ប្រហែលជាអាចត្រឡប់ទៅកាន់ប្រទេសចិនវិញ
ទោះបីវាត្រូវបានបិទនៅឡើយក៏ដោយ ។
ពត៍មាននៃការធ្វើដំណើរកំសាន្តរបស់ Mark Zucherberg
នៅប្រទេសចិននេះបានលេចឡើងតាមរយះរូបភាពតាម Bloggers
របស់ចិនដោយគេឃើញមានរូបភាពរបស់ Mark Zucherberg
ជាមួយនឹងមិត្តស្រីរបស់គាត់នៅ Apple store
និងនៅកន្លែងសិល្បះនៅទីក្រុង Shanghai កាលពីថ្ងៃអង្គារ ។
តើការធ្វើដំណើរកំសាន្តនេះមានអត្ថន័យថា Facebook
កំពុងរៀបចំខ្លួនចូលប្រទេសចិនវិញរឺយ៉ាងណា ?
គួរបញ្ជាក់ថានៅពេលបច្ចុប្បន្ននេះ Facebook
មានអ្នកប្រើប្រាស់ច្រើនជាង 800 លាននាក់
តែវាត្រូវគេហាមឃាត់ក្នុងប្រទេសចំនួន ៦
ក្នុងនោះប្រទេសចិនបានបិទគេហទំព័រយក្សនេះនៅឆ្នាំ ២០០៩ ។
កាលពីខែមុនក្រុមហ៊ុនមួយដែលមានមូលដ្ឋាននៅ California
បានអោយដឹងថាពេលនេះ Facebook
កំពុងតែរកវិធីដើម្បីអាចចូលទីផ្សារប្រទេសចិនបាន ។ ប្រសិនបើ
Facebook អាចចូលទៅប្រទេសចិនបាននោះ គេរំពឹងថា Facebook
អាចកើនអ្នកប្រើប្រាស់ ៥០០លាននាក់បន្ថែមទៀត។
តាមពត៍មានក៏បានអោយដឹងផងដែរថា Zuckerberg
បានខិតខំរៀនភាសាចិនជាខ្លាំងកាលពីខែធ្នុ ឆ្នាំ ២០១០
ហើយបានជួបពិភាក្សាជាមួយ search engine ធំជាងគេនៅប្រទេសចិនមានឈ្មោះថា
Baidu ។
គេរំពឹងថា Zuckerberg និង Baidu
បានកំពុងតែពិភាក្សាគ្នាដើម្បីផ្តល់លទ្ធភាពអោយ Facebook
អាចចូលប្រទេសចិនបាន ។ យើងចាំមើលថាតើនៅថ្ងៃអនាគត Facebook
អាចចូលទីផ្សារចិនបានដែររឺទេ ?
0 comments:
Post a Comment