ថ្ងៃសៅរ៏ ទី១២ ខែឧសភា ឆ្នាំ២០១២ ម៉ោង ០៨:១០
ខេត្តកំពង់ចាម ៖ បុរសគម្រក់មា្នក់ឈ្មោះ ម៉ម តុលី ហៅមេន
អាយុ២៦ឆ្នាំ រស់នៅក្នុងឃុំខ្ចៅ ស្រុកកងមាស
បានលបលួចឡើងលើផ្ទះរបស់គេ ហើយបានចាប់ស្រ្តីមានប្តី
និងមានកូន៣នាក់រំលោភសេពសន្ថវៈរហូតបានសម្រេច
ខណៈពេលប្តីមិននៅផ្ទះ
ព្រោះតែជាប់រវល់ទៅធ្វើបុណ្យសពម្តាយ ។ ហេតុការណ៍នេះ
បានកើតឡើងកាលពីវេលាម៉ោង១២យប់ថ្ងៃទី៦ ឧសភា។
ទោះបីជាបែបណារំលងបាន១ថ្ងៃ
ជនសង្ស័យរូបនោះត្រូវកម្លាំងនគរបាលប៉ុស្តិ៍រដ្ឋបាល
ខ្ចៅឃាត់ខ្លួនបញ្ជូនទៅកាន់ស្នងការដ្ឋាននគរបាលខេត្ត ។
បុរសរូបនេះ ពុំទាន់មានប្រពន្ធទេ ។
លោកវរសេនីយ៍ត្រី សូ សារិទ្ធ
អធិការនគរបាលស្រុកកងមាសប្រាប់ឱ្យដឹងថា នៅយប់កើតហេតុនោះ
ស្រ្តីរងគ្រោះឈ្មោះ វ.ល.ណ អាយុ២៨ឆ្នាំ
បានដេកនៅលើផ្ទះជាមួយកូនតូចៗ៣នាក់ នៅក្នុងមុងតែមួយ
ដោយបានបិទទ្វារត្រឹមត្រូវដូចសព្វដង
ចំណែកបុរសជាប្តីវិញ
ជាប់រវល់ទៅធ្វើបុណ្យសពម្តាយនៅឆ្ងាយពីផ្ទះ
ហើយមិនបានត្រឡប់មកវិញទេ ។
ប្រភពបន្តថា
នៅពេលស្រ្តីនោះកំពុងដេកលង់លក់ក្នុងដំណេករហូតដល់កណ្តាលអធ្រាត្រ
ថ្ងៃទី៦ ឧសភា ស្រាប់តែបុរសគម្រក់ឈ្មោះ តុលី
បានឡើងតាមជណ្តើរខាងមុខមកធ្វើសកម្មភាពលួចបើក
ទ្វារថ្នមៗមិនឱ្យម្ចាស់ផ្ទះដឹងឡើយ
ហើយបានដើរតម្រង់ទៅបើកមុងដែលស្រ្តីរងគ្រោះកំពុងតែដេក
នោះ
រួចចាប់រំលោភសេពសន្ថវៈទោះបីជាស្រ្តីរូបនេះបានប្រឹងរើ
យ៉ាងណាក្តីក៏មិនរួចដែរ ។
បន្ទាប់ពីបានបន្ធូ
រអារម្មណ៍ក្នុងចំណង់តណ្ហារួច
បុរសមារយាទថោកនេះបានដើរត្រឡប់ទៅដេកនៅផ្ទះរបស់ខ្លួន
វិញយ៉ាងរំភើយ ។ រហូតដល់ព្រឹកថ្ងៃទី៧ ឧសភា
ស្ត្រីរងគ្រោះបានមកដាក់ពាក្យបណ្តឹងនៅប៉ុស្តិ៍រដ្ឋបាលឃុំ
ខ្ខៅជួយរកយុតិ្តធម៌ ។
បន្ទាប់ពីទទួលបានពាក្យបណ្តឹងកម្លាំងសមត្ថកិច្ចបានទៅឃាត់
ខ្លួនជនសង្ស័យមកសួរនាំនៅប៉ុស្តិ៍ហើយជននោះបានឆ្លើយសារភាពថា
ខ្លួនពិតជាបានប្រព្រឹត្តចាប់ស្ត្រីឈ្មោះ វ.ល.ណ
រំលោភសេពសន្ថវៈប្រាកដ មែន ។
នៅចំពោះមុខ ជនជាប់ចោទឈ្មោះ ម៉ម តុលី បាននិយាយថា
កាលពីវេលាអធ្រាត្រថ្ងៃទី៦ ឧសភា
ខ្លួនបានដើរចេញពីផ្ទះតែម្នាក់ឯងកាត់ព្រែក
ឆ្ពោះទៅកាន់ផ្ទះរបស់ស្រ្តីរងគ្រោះ ។
ពេលធ្វើដំណើរទៅដល់ខ្លួនបានឡើងទៅបើកទ្វារថ្នមៗហើយដើរ
លបៗចូលទៅដល់ក្នុងមុងត្រូវស្រ្តីរងគ្រោះដឹង
ហើយច្រានទ្រូងរបស់ខ្លួនចេញ ។
រំពេចនោះរូបគេបានស្ទុះចាប់ឱប ព្រមទាំងគំរាមថា
«កុំមាត់ប្រយ័ត្នស្លាប់» រួចដៃម្ខាងខ្ទប់មាត់
និងដៃម្ខាងទៀតចាប់ដៃជាប់
ហើយរំលោភសេពសន្ថវៈរហូតបានសម្រេច
លុះព្រឹកឡើងត្រូវសមត្ថកិច្ចចាប់ខ្លួនតែម្តង ៕
Friday, May 11, 2012
Subscribe to:
Post Comments (Atom)
0 comments:
Post a Comment